ചിക്കൻ വൃത്തിയാക്കാൻ ഇതാ 5 എളുപ്പ വഴികൾ

raw chicken cleaning

പ്രോടീൻ കൊണ്ട് സമ്പന്നമാണ് ചിക്കൻ. അതുകൊണ്ട് തന്നെ നോൺ വെജിറ്റേറിയൻസ് പല തരത്തിലും സ്വാദിലും വീടുകളിൽ ചിക്കൻ ഉണ്ടാക്കാറുണ്ട്. എന്നാൽ ഭക്ഷണം പാകം ചെയ്യുന്നതിന് മുമ്പ് ചിക്കൻ ശരിയായ രീതിയിൽ വൃത്തിയാക്കേണ്ടതുണ്ട്. ചിക്കൻ എളുപ്പത്തിൽ വൃത്തിയാക്കൻ ഈ 5 രീതിയിൽ ചെയ്ത് നോക്കൂ.

കൈകഴുകണം 

ചിക്കൻ കഴുകുന്നതിന് മുന്നേ നിങ്ങളുടെ കൈകൾ കഴുകി വൃത്തിയാക്കേണ്ടതുണ്ട്. കാരണം നിങ്ങളുടെ കൈകളിൽ പറ്റിപ്പിടിച്ചിരിക്കുന്ന അണുക്കൾ ചിക്കനിലേക്ക് പകരാൻ സാധ്യതയുണ്ട്. 20 സെക്കന്റോളം സോപ്പ് അല്ലെങ്കിൽ ഹാൻഡ് വാഷ് ഉപയോഗിച്ച് വൃത്തിയായി കൈകഴുകിയതിന് ശേഷം ചിക്കൻ വൃത്തിയാക്കാവുന്നതാണ്.

ഉപ്പ് 

ഉപ്പ് ഉപയോഗിച്ച് ചിക്കൻ വൃത്തിയാക്കാൻ സാധിക്കും. ഒരു ലിറ്റർ വെള്ളത്തിൽ രണ്ട് ടേബിൾ സ്പൂൺ ഉപ്പിട്ടതിന് ശേഷം അതിലേക്ക് ചിക്കൻ ഇട്ടുകൊടുക്കാം. കുറച്ച് നേരം അങ്ങനെ വെച്ചതിന് ശേഷം ശുദ്ധമായ വെള്ളം ഉപയോഗിച്ച് കഴുകിയെടുക്കാവുന്നതാണ്. 

നാരങ്ങ നീര്

പ്രകൃതിദത്തമായി വൃത്തിയാക്കാൻ ഉപയോഗിക്കുന്ന ഒന്നാണ് നാരങ്ങ നീര്. ഒരു ലിറ്റർ വെള്ളത്തിൽ രണ്ട് ടേബിൾ സ്പൂൺ നാരങ്ങ നീര് ചേർക്കണം. ശേഷം ചിക്കൻ അതിലേക്ക് ഇട്ടുകൊടുക്കാം. 5 മിനിറ്റ് അങ്ങനെ തന്നെ വെച്ചതിന് ശേഷം വെള്ളത്തിൽ കഴുകിയെടുക്കാവുന്നതാണ്.

വിനാഗിരി 

ചിക്കൻ കഴുകി വൃത്തിയാക്കിയാലും അതിൽ പറ്റിപ്പിടിച്ചിരിക്കുന്ന അണുക്കൾ പോകണമെന്നില്ല. വിനാഗിരി ചേർത്ത വെള്ളത്തിൽ ചിക്കൻ കഴുകുന്നത് അണുക്കളെ എളുപ്പത്തിൽ ഇല്ലാതാക്കാൻ സഹായിക്കും. ആവശ്യമെങ്കിൽ കുറച്ച് മഞ്ഞൾപൊടിയും ചേർത്ത് കൊടുക്കാവുന്നതാണ്.

പാത്രം 

ചിക്കൻ കഴുകി വൃത്തിയാക്കിയതിന് ശേഷം എവിടെയെങ്കിലും വയ്ക്കാതെ വൃത്തിയുള്ള പാത്രത്തിൽ സൂക്ഷിക്കാൻ ശ്രദ്ധിക്കണം. കിച്ചൻ സ്ലാബിലോ വൃത്തിയില്ലാത്ത പാത്രത്തിലോ വെയ്ക്കാൻ പാടില്ല.