ആലപ്പുഴ കഞ്ഞിക്കുഴിയിൽ ഓട്ടോറിക്ഷാ തൊഴിലാളിയായ രമേശൻ (62) എന്നയാളെ റോഡിൽ കത്തിക്കരിഞ്ഞ നിലയിൽ കണ്ടെത്തി. പുലർച്ചെ വീടിന് സമീപമാണ് മൃതദേഹം കണ്ടത്. മരണകാരണം വ്യക്തമല്ലാത്തതിനാൽ സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.
ആലപ്പുഴ: ഓട്ടോറിക്ഷാ തൊഴിലാളിയുടെ ജഡം റോഡിൽ കത്തിക്കരിഞ്ഞ നിലയിൽ കണ്ടെത്തി. ആലപ്പുഴ കഞ്ഞിക്കുഴി പഞ്ചായത്ത് ഏഴാം വാർഡിലാണ് സംഭവം. രേവതി ഭവനത്തിൽ രമേശൻ(62) ആണ് മരിച്ചത്. വീടിന് സമീപത്തെ റോഡിൽ പുലർച്ചെയാണ് ഇദ്ദേഹത്തിൻ്റെ മൃതദേഹം കത്തിക്കരിഞ്ഞ നിലയിൽ കണ്ടെത്തിയത്. പുത്തനമ്പലം തോണ്ടാ കുളങ്ങരക്ഷേത്രത്തിന് സമീപമുള്ള ബി ബോണ്ട് ജംഗ്ഷന്റെ വടക്ക് ഭാഗത്തുള്ള കടമുറിക്ക് സമീപമാണ് ജഢം ഉണ്ടായിരുന്നത്. വിവരമറിഞ്ഞ് പൊലീസ് സ്ഥലത്തെത്തി. ഇൻക്വസ്റ്റ് അടക്കം നടപടിക്രമങ്ങൾ പൂർത്തിയാക്കി മൃതദേഹം ആശുപത്രിയിലേക്ക് മാറ്റും. പോസ്റ്റ്മോർട്ടം അടക്കം പൂർത്തിയാക്കിയ ശേഷം ബന്ധുക്കൾക്ക് വിട്ടുകൊടുക്കും. മരണകാരണം വ്യക്തമായിട്ടില്ല. സംഭവത്തിൽ പൊലീസ് കേസെടുത്തു.
