കെഎസ്ആര്ടിസി ബസില് യുവതിക്കുനേരെ ലൈംഗികാതിക്രമം നടത്തിയ പ്രതി പിടിയിലായി. വയനാട് സ്വദേശി വിനീത് കുമാർ ആണ് പിടിയിലായത്. കോഴിക്കോട് കെഎസ്ആര്ടിസി ബസ് സ്റ്റാന്ഡില് നിന്നാണ് ഇയാളെ പൊലീസ് പിടികൂടിയത്.
കോഴിക്കോട്: കെഎസ്ആര്ടിസി ബസില് യുവതിക്കുനേരെ ലൈംഗികാതിക്രമം നടത്തിയ കേസില് ഒരാള് പിടിയില്. വയനാട് ചുണ്ടയില് സ്വദേശി വിനീത് കുമാറിനെയാണ് കോഴിക്കോട് കെഎസ്ആര്ടിസി ബസ് സ്റ്റാന്ഡില്നിന്ന് പുലര്ച്ചെയോടെ കൊണ്ടോട്ടി പൊലീസ് അറസ്റ്റ് ചെയ്തത്.
കഴിഞ്ഞ വെള്ളിയാഴ്ച പാലക്കാട് - കോഴിക്കോട് റൂട്ടില് സര്വീസ് നടത്തുന്ന കെഎസ്ആര്ടിസി സൂപ്പര്ഫാസ്റ്റ് ബസില്വെച്ചാണ് സംഭവം ഉണ്ടായതെന്ന് പൊലീസ് പറയുന്നു. യുവതിയുടെ സമീപത്തെ സീറ്റിലിരുന്ന വിനീത് ദേഹത്ത് സ്പര്ശിക്കുകയും ലൈംഗികാതിക്രമം നടത്തുകയുമായിരുന്നുവെന്നാണ് പൊലീസിന് ലഭിച്ച പരാതിയില് പറയുന്നത്. തുടര്ന്ന് ഇവര് കൊണ്ടോട്ടി പൊലീസില് പരാതി നല്കുകയായിരുന്നു.
പരാതിക്കാരി ഇയാളുടെ ഫോട്ടോ പൊലീസിന് കൈമാറിയിരുന്നു. ഈ ഫോട്ടോ കേന്ദ്രീകരിച്ചാണ് പൊലീസ് അന്വേഷണം നടത്തിയത്. വിനീതിനെ കണ്ടെത്തുന്നതിനായി പൊലീസ് ലുക്ക്ഔട്ട് നോട്ടീസും പുറപ്പെടുവിച്ചിരുന്നു. വിനീതിനെ കൊണ്ടോട്ടി പൊലീസ് സ്റ്റേഷനില് എത്തിച്ച് ചോദ്യം ചെയ്യല് നടത്തി.
Related Articles
ഇത്തരം സംഭവങ്ങളില് പരാതി നല്കാന് മടിക്കരുതെന്നും ഉടന് പൊലീസിനെ അറിയിക്കണമെന്നും ഉദ്യോഗസ്ഥര് അറിയിച്ചു. കേസില് കൂടുതല് നടപടികള് സ്വീകരിക്കുമെന്നും നിയമപരമായ എല്ലാ നടപടികളും പൂര്ത്തിയാക്കുമെന്നും കൊണ്ടോട്ടി പൊലീസ് അറിയിച്ചു.
