യൂറിക് ആസിഡ് കുറയ്ക്കാൻ സഹായിക്കുന്ന ഏഴ് പഴങ്ങൾ
ശരീരം പ്യൂറൈനുകള് എന്ന രാസവസ്തുക്കളെ വിഘടിപ്പിക്കുമ്പോൾ രൂപപ്പെടുന്ന മാലിന്യ വസ്തുവാണ് യൂറിക് ആസിഡ്. സാധാരണ ഗതിയില് ഇവ രക്തത്തില് അലിഞ്ഞ് ചേരുകയും വൃക്കകള് ഇവയെ അരിച്ച് മൂത്രത്തിലൂടെ പുറത്ത് വിടുകയും ചെയ്യുന്നു.
യൂറിക് ആസിഡ് കുറയ്ക്കാൻ സഹായിക്കുന്ന ഏഴ് പഴങ്ങൾ
ശരീരം പ്യൂറൈനുകള് എന്ന രാസവസ്തുക്കളെ വിഘടിപ്പിക്കുമ്പോൾ രൂപപ്പെടുന്ന മാലിന്യ വസ്തുവാണ് യൂറിക് ആസിഡ്. സാധാരണ ഗതിയില് ഇവ രക്തത്തില് അലിഞ്ഞ് ചേരുകയും വൃക്കകള് ഇവയെ അരിച്ച് മൂത്രത്തിലൂടെ പുറത്ത് വിടുകയും ചെയ്യുന്നു. വൃക്കകളില് കല്ലുകള് രൂപപ്പെടുന്നതിനും യൂറിക് ആസിഡ് കാരണമാകാം. യൂറിക് ആസിഡ് കുറയ്ക്കാൻ സഹായിക്കുന്ന ഏഴ് പഴങ്ങളെ കുറിച്ചാണ് ഇനി പറയുന്നത്...
സമീകൃതാഹാരത്തിൽ ആപ്പിൾ ഉൾപ്പെടുത്തുന്നത് യൂറിക് ആസിഡിന്റെ അളവ് നിയന്ത്രിക്കുന്നതിന് ഗുണം ചെയ്യും
ഉയർന്ന അളവിൽ നാരുകളും മാലിക് ആസിഡും അടങ്ങിയിരിക്കുന്നതിനാൽ ആപ്പിളിന് യൂറിക് ആസിഡിന്റെ അളവ് കുറയ്ക്കാൻ കഴിയും. നാരുകൾ രക്തപ്രവാഹത്തിൽ നിന്ന് യൂറിക് ആസിഡിനെ ആഗിരണം ചെയ്യുന്നു. സമീകൃതാഹാരത്തിൽ ആപ്പിൾ ഉൾപ്പെടുത്തുന്നത് യൂറിക് ആസിഡിന്റെ അളവ് നിയന്ത്രിക്കുന്നതിന് ഗുണം ചെയ്യും.
സിട്രസ് പഴങ്ങള് ശരീരത്തിലെ യൂറിക് ആസിഡിനെ നിയന്ത്രിക്കാന് സഹായകമാണ്.
ഓറഞ്ച്, നാരങ്ങ എന്നിങ്ങനെയുള്ള സിട്രസ് പഴങ്ങള് ശരീരത്തിലെ യൂറിക് ആസിഡിനെ നിയന്ത്രിക്കാന് സഹായകമാണ്.
ഉയർന്ന യൂറിക് ആസിഡ് നിയന്ത്രിക്കാൻ വാഴപ്പഴം നല്ലതാണ്
പ്യൂരിനുകൾ കുറവും പൊട്ടാസ്യം, വിറ്റാമിൻ സി എന്നിവ കൂടുതലുമുള്ളതിനാൽ ഉയർന്ന യൂറിക് ആസിഡ് നിയന്ത്രിക്കാൻ വാഴപ്പഴം നല്ലതാണ്. പൊട്ടാസ്യം വൃക്കകളെ കൂടുതൽ കാര്യക്ഷമമായി പ്രവർത്തിക്കാൻ സഹായിക്കുന്നു.
ചെറി ജ്യൂസ് പതിവായി കഴിക്കുന്നത് യൂറിക് ആസിഡിന്റെ അളവ് കുറയ്ക്കും
ആന്തോസയാനിനുകൾ എന്നറിയപ്പെടുന്ന സംയുക്തങ്ങളിൽ നിന്നുള്ള ഉയർന്ന ആന്റിഓക്സിഡന്റും ആന്റി-ഇൻഫ്ലമേറ്ററി ഗുണങ്ങളും കാരണം ചെറികൾക്ക് യൂറിക് ആസിഡിന്റെ അളവ് നിയന്ത്രിക്കാൻ കഴിയും. ചെറി ജ്യൂസ് പതിവായി കഴിക്കുന്നത് യൂറിക് ആസിഡിന്റെ അളവ് കുറയ്ക്കുകയും സന്ധിവാത സാധ്യത 35% വരെ കുറയ്ക്കുകയും ചെയ്യുമെന്ന് പഠനങ്ങൾ പറയുന്നു.
ബ്ലൂബെറി, സ്ട്രോബെറി, റാസ്ബെറി തുടങ്ങിയവ യൂറിക് ആസിഡ് കുറയ്ക്കാൻ സഹായിക്കും
ആന്റിഓക്സിഡന്റുകളും വിറ്റാമിൻ സിയും ഉയർന്ന അളവിൽ അടങ്ങിയിരിക്കുന്നതിനാൽ ബ്ലൂബെറി, സ്ട്രോബെറി, റാസ്ബെറി തുടങ്ങിയവ യൂറിക് ആസിഡ് കുറയ്ക്കാൻ സഹായിക്കും. കാരണം ഇവയിൽ ആന്തോസയാനിനുകൾ അടങ്ങിയിട്ടുണ്ട്. ഇത് വീക്കം, യൂറിക് ആസിഡിന്റെ അളവ് എന്നിവ കുറയ്ക്കുന്നു.
ബ്രോമെലൈൻ യൂറിക് ആസിഡിനെ തകർക്കാനും വീക്കം കുറയ്ക്കാനും സഹായിച്ചേക്കാം.
ആന്റി-ഇൻഫ്ലമേറ്ററി ഗുണങ്ങളുള്ള ബ്രോമെലൈൻ എന്ന എൻസൈമും ഉയർന്ന വിറ്റാമിൻ സി ഉള്ളടക്കവും കാരണം പൈനാപ്പിൾ ഉയർന്ന യൂറിക് ആസിഡിന്റെ അളവ് കുറയ്ക്കാൻ സഹായിച്ചേക്കാം. ബ്രോമെലൈൻ യൂറിക് ആസിഡിനെ തകർക്കാനും വീക്കം കുറയ്ക്കാനും സഹായിച്ചേക്കാം.
തണ്ണിമത്തൻ യൂറിക് ആസിഡ് നിയന്ത്രണത്തിന് ഗുണം ചെയ്യും.
അധിക യൂറിക് ആസിഡ് പുറന്തള്ളാൻ സഹായിക്കുന്ന ഉയർന്ന ജലാംശം, യൂറിക് ആസിഡിന്റെ അളവ് കുറയ്ക്കുന്നതുമായി ബന്ധപ്പെട്ടിരിക്കുന്ന വിറ്റാമിൻ സി എന്നിവയുടെ അളവ് എന്നിവ കാരണം തണ്ണിമത്തൻ യൂറിക് ആസിഡ് നിയന്ത്രണത്തിന് ഗുണം ചെയ്യും.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
