വിറ്റാമിൻ കെ കൂടുതലായി കഴിക്കുന്നവർക്ക് കൊറോണറി ഹൃദ്രോഗ സാധ്യത വളരെ കുറവാണെന്ന് സർക്കുലേഷൻ ജേണലിൽ പ്രസിദ്ധീകരിച്ച പഠനത്തിൽ കണ്ടെത്തിയിരുന്നു.
സമീപ വർഷങ്ങളിൽ ഹൃദ്രോഗം മൂലം മരിക്കുന്നവരുടെ എണ്ണം ദിനംപ്രതി കൂടിവരികയാണ്. മോശം ഭക്ഷണക്രമം മുതൽ ജീവിതശൈലി മാറ്റങ്ങൾ, പാരിസ്ഥിതിക ഘടകങ്ങൾ എന്നിവയെല്ലാം ഈ രോഗത്തിനുള്ള സാധ്യത കൂട്ടുന്നുണ്ട്.
ശരിയായ ഭക്ഷണം കഴിക്കുന്നത് ഹൃദയാരോഗ്യം വർദ്ധിപ്പിക്കുന്നതിനും ഹൃദയ സംബന്ധമായ അസുഖങ്ങളുടെ മൊത്തത്തിലുള്ള അപകടസാധ്യത കുറയ്ക്കുന്നതിനുമുള്ള ഫലപ്രദമായ മാർഗങ്ങളിലൊന്നാണ്. വിറ്റാമിൻ കെ ഹൃദ്രോഗ സാധ്യത ഗണ്യമായി കുറയ്ക്കുന്നതുമായി ബന്ധപ്പെട്ടിരിക്കുന്ന അവശ്യ പോഷകങ്ങളിൽ ഒന്നാണ്.
വിറ്റാമിൻ കെ ആരോഗ്യകരമായ രക്തക്കുഴലുകൾ നിലനിർത്തുന്നതിനും ഹൃദയ സംബന്ധമായ അസുഖങ്ങളുടെ ഒരു പ്രധാന ഘടകമായ ധമനികളുടെ കാഠിന്യം കുറയ്ക്കുന്നതിനും അത്യാവശ്യമാണ്. കൂടാതെ, ധമനികളിൽ ധാതുക്കൾ അടിഞ്ഞുകൂടുന്നത് തടയുന്നതിലൂടെ രക്തസമ്മർദ്ദം കുറയ്ക്കാൻ ഇത് സഹായിക്കുന്നു. ഇത് ശരീരത്തിലൂടെ രക്തം സ്വതന്ത്രമായി പമ്പ് ചെയ്യാൻ ഹൃദയത്തെ സഹായിക്കുന്നു.
Related Articles
ഹൃദ്രോഗത്തിനുള്ള ഒരു പ്രധാന അപകട ഘടകമാണ് ധാതുവൽക്കരണം. ഇത് സ്വാഭാവികമായും പ്രായത്തിനനുസരിച്ച് സംഭവിക്കുന്നു. വിറ്റാമിൻ കെ അടങ്ങിയ ഭക്ഷണങ്ങൾ ആവശ്യത്തിന് കഴിക്കുന്നത് പക്ഷാഘാത സാധ്യത കുറയ്ക്കുമെന്ന് പഠനങ്ങൾ സൂചിപ്പിക്കുന്നു.
വിറ്റാമിൻ കെ കൂടുതലായി കഴിക്കുന്നവർക്ക് കൊറോണറി ഹൃദ്രോഗ സാധ്യത വളരെ കുറവാണെന്ന് സർക്കുലേഷൻ ജേണലിൽ പ്രസിദ്ധീകരിച്ച പഠനത്തിൽ കണ്ടെത്തിയിരുന്നു.
വിറ്റാമിൻ കെ ആവശ്യത്തിന് കഴിക്കുന്ന വ്യക്തികൾക്ക് ആവശ്യത്തിന് കഴിക്കാത്തവരെ അപേക്ഷിച്ച് ഹൃദയ സംബന്ധമായ പ്രശ്നങ്ങൾ ഉണ്ടാകാനുള്ള സാധ്യത വളരെ കുറവാണെന്ന് കണ്ടെത്തലുകൾ സൂചിപ്പിക്കുന്നു.
ഇലക്കറികളിൽ വിറ്റാമിൻ കെ ധാരാളം അടങ്ങിയിട്ടുണ്ട്. കൂടാതെ, പുളിപ്പിച്ച ഭക്ഷണങ്ങൾ , മത്സ്യം, മാംസം, പാലുൽപ്പന്നങ്ങൾ, മുട്ട തുടങ്ങിയവയിലും വിറ്റാമിൻ കെ ഉണ്ട്. മുതിർന്നവർക്ക് പ്രതിദിനം 70-90 മൈക്രോഗ്രാം വിറ്റാമിൻ കെ ആവശ്യമാണെന്ന് നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് വ്യക്തമാക്കുന്നു. കൂടാതെ, വിറ്റാമിൻ കെ അസ്ഥികളുടെ ആരോഗ്യം വർദ്ധിപ്പിക്കുകയും ഓസ്റ്റിയോപൊറോസിസ് സാധ്യത കുറയ്ക്കുകയും ചെയ്യും.
