അപ്പാച്ചെ ഹെലികോപ്ടർ താഴേക്ക്, കാറ്റ് പോയ ബലൂണായി നെതന്യാഹു; പശ്ചിമേഷ്യയിൽ സംഭവിക്കുന്നതെന്ത്?

ഡൊണാൾഡ് ട്രംപും ബെഞ്ചമിൻ നെതന്യാഹുവും കരുതിയത്, ഇറാനെതിരായ വിജയം മിഡിൽ ഈസ്റ്റിന്റെ രാഷ്ട്രീയ-സുരക്ഷാ ഭൂപടം പുനർനിർമിക്കുമെന്നാണ്. എന്നാൽ മേഖല ഇപ്പോൾ പുനഃക്രമീകരിക്കപ്പെടുന്നത് അവർ പ്രതീക്ഷിച്ച വഴിയിലല്ല. ഇസ്‌ലാമിക് റിപ്പബ്ലിക് ഓഫ് ഇറാൻ തകർന്നിട്ടില്ല, മറിച്ച് സാഹചര്യം പുതിയൊരു ഘട്ടത്തിലേക്കാണ് നീങ്ങുന്നത്. നേരിട്ടുള്ള സൈനിക ഏറ്റുമുട്ടലുകളും ഇടയ്ക്കിടെയുള്ള പിന്മാറ്റങ്ങളും മാറിമാറി ആവർത്തിക്കുന്ന, ദീർഘകാലം നീണ്ടുനിൽക്കാവുന്ന അസ്ഥിരതയുടെയും അനിശ്ചിതത്വത്തിന്റെയും കാലഘട്ടത്തിലേക്കാണ് പശ്ചിമേഷ്യ കടക്കുന്നത്.