ഇന്നത്തെ വർത്തമാനം: വാർത്താ വിശകലനം

ആലായാല്‍ തറ വേണോയെന്ന പാട്ട് പുതിയ തലത്തില്‍ ഗായകന്‍ സൂരജ് സന്തോഷ് പുറത്തിറക്കിയത് ഏറെ ചര്‍ച്ച ചെയ്യപ്പെടുകയാണ്. പുതിയ പാട്ടിനെക്കുറിച്ച് അഭിപ്രായവുമായി രംഗത്തെത്തിയിരിക്കുകയാണ് കാവാലം ശ്രീകുമാര്‍. പാട്ടിന് അതിന്റെതായ ഈണവും ആശയവും വേണമെന്നും ഇല്ലെങ്കില്‍ പാരഡിയാകുമെന്നും അദ്ദേഹം വ്യക്തമാക്കി.  

സൂപ്പര്‍താരങ്ങളെ അണിനിരത്തി സിനിമയൊരുക്കാന്‍ താരസംഘടനയായ അമ്മ.കൊവിഡ് പ്രതിസന്ധി മൂലം കഷ്ടപ്പാടിലായ കലാകാരന്മാരെ സഹായിക്കാനാണ് ഈ നീക്കം. മറ്റൊരു ട്വന്റി 20 ആകുമോ ഈ സിനിമയെന്നാണ് ആരാധകര്‍ ഉറ്റുനോക്കുന്നത്. ടികെ രാജീവ് കുമാര്‍ ആകും സംവിധാനം നിര്‍വഹിക്കുക.  

ലോക്ക്ഡൗണ്‍ സമയത്ത് വലിയ തോതില്‍ തൊഴില്‍ നഷ്ടം ഉണ്ടായിട്ടുണ്ടെന്ന് ബിജെപി നേതാവ് സന്ദീപ് വാര്യര്‍. പക്ഷേ സര്‍ക്കാര്‍ ജനങ്ങള്‍ക്കായി പല പദ്ധതികളും ആവിഷ്‌കരിച്ചു. ഭക്ഷ്യധാന്യങ്ങള്‍ സാധാരണക്കാര്‍ക്ക് വിതരണം ചെയ്യുന്നുണ്ട്. മൂന്ന് മാസം ഗ്യാസ് സിലിണ്ടറുകള്‍ വിതരണം ചെയ്തുവെന്നും അദ്ദേഹം വ്യക്തമാക്കി.  

എന്തുകൊണ്ട് സമരം രാംലീല മൈതാനത്തോ ജന്തര്‍ മന്തറിലോ നടത്തിയില്ലെന്നും അതുകൊണ്ടാണ് ഗൂഢാലോചന നടന്നുവെന്ന് പറയുന്നതെന്നും ബിജെപി നേതാവ് അനൂപ് ആന്റണി. അതേസമയം, ഷഹീന്‍ ബാഗ് സമരം ഗൂഢാലോചനയുടെ ഫലമാണെന്ന് വിശ്വസിക്കുന്നില്ലെന്നും സമരത്തിനെതിരായി സുപ്രീംകോടതി നിലപാട് എടുത്തുവെന്ന ധ്വനി തന്നെ തെറ്റാണെന്നും കോണ്‍ഗ്രസ് നേതാവ് മാത്യു കുഴല്‍നാടന്‍ പ്രതികരിച്ചു.

രാജ്യദ്രോഹക്കുറ്റമടക്കമുള്ള വകുപ്പുകള്‍ ചുമത്തി പുതിയ എഫ്‌ഐആറുമായി പൊലീസ്. യോഗി സര്‍ക്കാരിനെരിനെതിരെ ഗൂഢാലോചന നടന്നെന്നും എഫ്‌ഐആറില്‍ പറയുന്നു. കലാപത്തിന് നീക്കം നടന്നുവെന്നും പൊലീസ് എഫ്‌ഐആറില്‍ പറയുന്നു.  

ഹത്റാസിൽ ദളിത് പെൺകുട്ടിയെ കൊലപ്പെടുത്തിയ കേസിൽ ബലാത്സംഗം തെളിയിക്കാനായില്ലെന്ന് പൊലീസ് പറഞ്ഞതോടെ ഇനി കൊലപാതകക്കുറ്റം മാത്രമാകും പ്രതികൾക്കെതിരെ ചുമത്തുക. പൊലീസ് ഒത്തുകളിച്ചതായി കേസിന്റെ തുടക്കം മുതൽക്കേ ആരോപണങ്ങൾ ഉണ്ടായിരുന്നു. 

ഹത്‌റാസില്‍ ക്രൂര ബലാത്സംഗത്തിനിരയായ പെണ്‍കുട്ടി ബലാത്സംഗത്തിനിരയായിട്ടില്ലെന്ന് ഉത്തര്‍പ്രദശ് പൊലീസ്. ചിലര്‍ ജാതി സംഘര്‍ഷമുണ്ടാക്കാന്‍ ശ്രമിച്ചു. ഫോറന്‍സിക് പരിശോധനയില്‍ ബീജത്തിന്റെ അംശം കണ്ടെത്താനായിട്ടില്ലെന്നും പൊലീസ് പറയുന്നു.

ബുള്ളറ്റില്‍ സൈലന്‍സര്‍ വെച്ചാല്‍ കുഴപ്പമാണെങ്കില്‍ അത് നിരോധിച്ചൂടെയെന്ന സംശയത്തിന് മറുപടിയുമായി ജോയിന്റ് ട്രാന്‍സ്‌പോര്‍ട്ട് കമ്മീഷണര്‍ രാജീവ് പുത്തലത്ത്. വില്‍പ്പന നടത്തുമ്പോള്‍ മോട്ടോര്‍ വാഹന വകുപ്പിന് ഒന്നും ചെയ്യാനാവില്ല. വാഹനത്തില്‍ ഫിറ്റ് ചെയ്താല്‍ മാത്രമേ നടപടി എടുക്കാനാകൂയെന്ന് അദ്ദേഹം വ്യക്തമാക്കി. 

പെണ്‍കുട്ടി ക്രൂരബലാത്സംഗത്തിനിരയായ ഹത്‌റാസിലേക്ക് കാല്‍നടയായി യാത്ര ചെയ്ത് കോണ്‍ഗ്രസ് നേതാക്കളായ പ്രിയങ്ക ഗാന്ധിയും രാഹുല്‍ ഗാന്ധിയും. ഇരുവരെയും വഴിയില്‍ പൊലീസ് തടഞ്ഞു. എന്നാല്‍ മുന്നോട്ട് പോകുമെന്നും തടയാനാവില്ലെന്നും രാഹുല്‍ വ്യക്തമാക്കി. 

നടിയെ ആക്രമിച്ച കേസില്‍ മൊഴി മാറ്റാന്‍ ഭീഷണിയുണ്ടെന്ന് മുഖ്യസാക്ഷി പൊലീസിനോട്. പൊലീസിന് നല്‍കിയ മൊഴി കോടതിയില്‍ തിരുത്താനാണ് ഭീഷണിയെന്ന വിപിന്‍ലാലിന്റെ പരാതിയില്‍ പൊലീസ് കേസെടുത്തു.