മാംസാഹാരത്തിലെ മായം: ശ്രദ്ധിക്കേണ്ട കാര്യങ്ങൾ

മാംസം കേടാക്കുന്ന സൂക്ഷ്മജീവികൾ വളരാതിരിക്കാൻ അപായകരമായ കീടനാശകങ്ങളും സംസ്കരണപ്രക്രിയയുടെ ഭാഗമായി ചേർക്കുന്നു. സംസ്കരിച്ച മാംസത്തിൽ ക്ലോസ്ട്രീഡിയം ബോട്ടുലിനം പോലുള്ള വിഷമയമായ ബാക്ടീരിയകളുടെ പ്രവർത്തനം ഇല്ലാതാക്കാൻ വ്യാപകമായി ഉപയോഗിച്ചുവരുന്ന ഒന്നാണ് സോഡിയം നൈട്രേറ്റും നൈട്രിറ്റും.

കാരൾ രോഗം, കാഴ്ച നാശം തുടങ്ങിയ അകപടങ്ങൾ ഉണ്ടാക്കുന്ന ഫോർമാലിൻ, ശ്വാസനാളത്തെ ഗുരുതരമായി ബാധിക്കുന്ന അമോണിയ, ദഹനസംവിധാനത്തെ തകിടം മറിക്കുന്ന സോഡിയം ബെൻസോയെറ്റ്, ജനിതപ്രശ്നങ്ങൾ വരെയുണ്ടാക്കി വരും തലമുറയെക്കൂടി ബാധിക്കുന്ന ഡിഡിറ്റി പോലുള്ള കീടനാശിനികൾ തുടങ്ങിയ രാസവസ്തുക്കളാണ് ഉണക്കമീനിനൊപ്പം നമ്മുടെ ഉള്ളിലെത്തുന്നത്. 

കൂടുതൽ കാലം കേടുകൂടാതെയിരിക്കാൻ കാഴ്ച്ചക്ക് ഉപ്പുപോലെ തോന്നുന്ന സോഡിയം ബെൻസോയേറ്റ്, മൃതദേഹങ്ങൾ അഴുകാതിരിക്കാൻ ഉപയോഗിക്കുന്ന ഫോർമാൽഡിഹൈഡ്, അമോണിയ തുടങ്ങിയ രാസവസ്തുക്കൾ ചേർത്തുണക്കുന്നതാണ് ഏറ്റവും വലിയ അപകടം. ചില വ്യാപാരികൾ ഉണക്കമീനിൻ്റെ തൂക്കം കൂട്ടാനായി ഈർപ്പം തങ്ങി നിൽക്കും വിധം ഉണക്കുന്നു. ഈ ഈർപ്പം രോഗകാരികളായ ബാക്ടീരിയകൾക്കു വളരാനുള്ള മികച്ച സാഹചര്യമാണ്. 

ആൻ്റിബയോട്ടിക്കുകളും ഹോർമോണുകളും സ്ഥിരമായും അനിയന്ത്രിതമായും ഇഞ്ചക്ഷനായും തീറ്റയിൽ ചേർത്തും നൽകുന്ന ഇറച്ചിക്കോഴികളാണ് നമ്മുടെ മാർക്കറ്റിൽ എത്തുന്നവയിൽ നല്ലൊരു പങ്കുമെന്ന് പഠനങ്ങൾ ചൂണ്ടിക്കാട്ടുന്നു.മാത്രമല്ല ലാഭം നോക്കി വില കുറഞ്ഞതും ഗുണനിലവാരം നിഷ്കർഷിക്കാത്തതുമായ തീറ്റകൾ നൽകുന്നതിലൂടെ കാഡ്മിയം, കറുത്തീയം, ക്രോമിയം തുടങ്ങിയ ഹെവി മെറ്റൽസിൻ്റെ അംശം മാരകമായ അളവിൽ ഇങ്ങനെ വരുന്ന ഇറച്ചിക്കോഴികളിൽ കണ്ടെത്തിയിട്ടുണ്ട്.

പലചരക്കുകളുടേയും പച്ചക്കറിയുടേയും പോലെ എളുപ്പമല്ല മാംസത്തിൽ കലരുന്ന മായം കണ്ടെത്താൻ. നിറവ്യത്യാസം ഉണ്ടോ, സ്വാഭാവിക ചുവപ്പുമാറി ഇരുളിച്ച വന്നിട്ടുണ്ടോ കയ്യിൽ വല്ലാതെ നെയ്യ് പറ്റുന്നുണ്ടോ പാചകം ചെയ്യുമ്പോൾ വല്ലാതെ വെള്ളം ഊറി വരുന്നുണ്ടോ പാചകം ചെയ്യുമ്പോഴും കഴിക്കുമ്പോഴും ഇറച്ചിക്കും നെയ്യിനുമൊക്കെ എന്തെങ്കിലും വ്യത്യാസം അനുഭവപ്പെടുന്നുണ്ടോ എന്നെല്ലാം സൂക്ഷ്മമായി പരിശോധിച്ചാൽ ചിലപ്പോൾ സംശയം തോന്നിയേക്കാം എന്നുമാത്രം

ഇറച്ചിക്കായി കൊല്ലാനൊരുക്കുന്ന മൃഗങ്ങൾക്ക് തൂക്കം വർദ്ധിപ്പിക്കാൻ ഹോർമോൺ - സ്റ്റിറോയ്ഡ് ഇഞ്ചെക്ഷനുകളും രോഗങ്ങൾ തടയാൻ ശക്തമായ ആൻ്റിബയോട്ടിക്കുകളും നൽകുന്നു. തൂക്കം കൂട്ടാനായി നൽകുന്ന മരുന്നുകളും ഹോർമോണുകളും മനുഷ്യശരീരത്തിൻ്റെ ആന്തരികാവസ്ഥയെ ആകെ തകിടം മറിക്കുന്നവയാണ്. ഇറച്ചിയുടെ നിറത്തിനായി ചേർക്കുന്ന നൈട്രേറ്റ് രക്തത്തിലേക്കുള്ള ഓക്സിജൻ പ്രവാഹത്തെ തടയുന്നതും  അനീമിയയും നെഞ്ചുവേദനയും ജനിതകപ്രശ്നങ്ങളും ഉണ്ടാക്കുന്നവയുമാണ്. 

ഐസും രാസവസ്തുക്കളും കൂട്ടിക്കലർത്തിയാണ് മീൻ കച്ചവടകേന്ദ്രങ്ങളിൽ എത്തുന്നത്. കുട്ടയിൽ വീട്ടുമുറ്റത്ത് മീനെത്തിക്കുന്നവർ വരെ പല മായങ്ങളും ചേർക്കുന്നുണ്ട്. ഫോർമാലിനും അമോണിയയും യൂറിയയുമൊക്കെയാണ് ഇങ്ങനെ ചേർക്കുന്നത്.

ധാരാളം പ്രോട്ടീൻ അഥവാ മാംസ്യം അടങ്ങിയിട്ടുള്ള ഒന്നാണ് കോഴിയിറച്ചി. പേശികൾക്ക് ബലമേകുന്നതിന് ഇത് ഉത്തമമാണ്. ശരീരഭാരം കുറക്കാനായി ആഗ്രഹിക്കുന്നവർക്ക് ഭക്ഷണക്രമത്തിൽ ഉൾപ്പെടുത്താവുന്ന ഒന്നാണ് കൊഴുപ്പു നീക്കിയ കോഴിയിറച്ചി.

മാംസ്യത്തിൻ്റെ കലവറയാണ് മീൻ. ഇറച്ചി, പാൽ, മുട്ട തുടങ്ങിയവയിലെ മാംസ്യത്തേക്കാൾ അധികവും ആരോഗ്യവത്തുമാണ് മൽസ്യത്തിലെ മാംസ്യം. മഗ്നീഷ്യം, കാൽസ്യം, ഇരുമ്പ്, അയഡിൻ, സിങ്ക്, പൊട്ടാസ്യം, ചെമ്പ്, മാംഗനീസ്, സെലീനിയം, സ്‌ട്രോൺഷ്യം എന്നീ ധാതുലവണങ്ങളും എ, ഡി, ബി കോംപ്ലക്സ് എന്നീ ജീവകങ്ങളും മത്സ്യത്തെ പോഷകസമ്പുഷ്ടമാക്കുന്നു.