സുഗന്ധവ്യഞ്ജനങ്ങളിലെ മായം: എങ്ങനെ തിരിച്ചറിയാം?

സമാനരൂപം തോന്നുന്ന മറ്റു ചെടികളുടെ കായകളും വിത്തുകളും കുരുക്കളും മല്ലിയിൽ കലർത്തി വില്പനക്കെത്തുന്നുണ്ട്. തടിമില്ലുകളിൽ നിന്നു കിട്ടുന്ന മരപ്പൊടി (അറക്കപ്പൊടി) പോലുള്ളവയും മല്ലിപ്പൊടിയിൽ തൂക്കം കൂട്ടാനായി കലർത്താറുണ്ട്. പൊടി രൂപത്തിൽ ആയാൽ ഇവയൊന്നും സാധാരണഗതിയിൽ തിരിച്ചറിയാൻ തന്നെ പറ്റില്ല. 

മഞ്ഞൾപ്പൊടിയുടെ തൂക്കം കൂട്ടാനായി ചോളപ്പൊടി കിഴങ്ങുപൊടി, അറക്കപ്പൊടി, മണ്ണ്, ചോക്കുപൊടി, യെല്ലോ സ്റ്റോൺ പൗഡർ തുടങ്ങിയവ ചേർക്കുന്നു. ഇങ്ങനെ ചേർക്കുന്ന അന്യവസ്തുക്കൾ തിരിച്ചറിയാതിരിക്കാൻ ലെഡ് ക്രോമേറ്റ്, മെറ്റാനിൽ യെല്ലോ, അനിലൈൻ ഡൈ, സുഡാൻ 3 തുടങ്ങിയ അപകടകരമായ കൃത്രിമ നിറങ്ങൾ കലർത്തുന്നു. 

ചോളപ്പൊടി, കിഴങ്ങുപൊടി, അറക്കപ്പൊടി, മണ്ണ്, ചോക്കുപൊടി, യെല്ലോ സ്റ്റോൺ പൗഡർ തുടങ്ങിയവയും ഇങ്ങനെ മഞ്ഞൾപ്പൊടിയുടെ തൂക്കം കൂട്ടാനായി ചേർക്കുന്നുണ്ട്. ഇങ്ങനെ ചേർക്കുന്ന അന്യവസ്തുക്കൾ തിരിച്ചറിയാതിരിക്കാൻ കൃത്രിമ നിറങ്ങൾ ചേർക്കുന്നു. 

ഇഷ്ടികപ്പൊടിയും ചെങ്കൽപ്പൊടിയും ചുവന്ന മണ്ണുമാണ് മുളകുപൊടിയിലെ മായത്തിൻ്റെ ഒരു പ്രധാനപങ്ക്. ഇങ്ങനെ അളവു കൂട്ടാൻ ചേർക്കുന്ന അന്യവസ്തുക്കൾ തിരിച്ചറിയാതിരിക്കാൻ കൃത്രിമനിറങ്ങളും ചേർക്കുന്നു

പല ബ്രാൻ്റുകളിൽ നമുക്കുമുന്നിലെത്തുന്ന മുളകുപൊടി പാക്കറ്റുകളിലാണ് മുളകിലെ മായമത്രയും ഒളിഞ്ഞിരിക്കുന്നത്. മുളകുപൊടിയുടെ തൂക്കം കൂട്ടാൻ സാദൃശ്യം തോന്നിക്കുന്ന പൊടികൾ കൂട്ടിക്കലർത്തി അപായകരമായ നിറങ്ങളും കലർത്തിയാണ് പല മുളകുപൊടിപാക്കറ്റുകളും നമുക്കുമുന്നിലെത്തുന്നത്