പാചക എണ്ണയിലെ മായം: കണ്ടെത്താനുള്ള വഴികൾ

ആവശ്യക്കാർ കൂടിയതും ഉയർന്ന വിലയുമാണ് എള്ളെണ്ണയിലെ വ്യാപകമായ മായം ചേർക്കലിനു കാരണം. പരുത്തിക്കുരു എണ്ണ, സോയാബീൻ എണ്ണ, തോട്ടണ്ടി എണ്ണ, ആർജിമോൺ (പൊന്നുമ്മം/mexican poppy) ഓയിൽ തുടങ്ങി വിലയും ഗുണവും കുറഞ്ഞ മറ്റ് എണ്ണകളാണ് നല്ലെണ്ണയിൽ ചേർക്കുന്ന പ്രധാന മായങ്ങൾ

ട്രൈഗ്ലിസറൈഡ്, ഫ്രീ ഫാറ്റി ആസിഡ്സ്, ഫോസ്ഫാറ്റിഡെസ്, ഫാറ്റി ആൽക്കഹോൾസ് എന്നീ ഘടകങ്ങളാണ് സസ്യഎണ്ണകളിൽ പുതുവേ കാണപ്പെടുന്നത്. ശുദ്ധമായ രൂപത്തിൽ ആരോഗ്യപരമായ ഒരുപാട് ഗുണങ്ങൾ ഉള്ളവയാണ് ഓരോ സസ്യഎണ്ണയും.

താരതമ്യേന കുറഞ്ഞ വിലക്ക് വെളിച്ചെണ്ണയ്ക്ക് പകരം വയ്ക്കാവുന്ന ജൈവ എണ്ണയാണ് പാമോയിൽ. എള്ളെണ്ണയുടേയും വെളിച്ചെണ്ണയുടേയും ഗുണമേന്മയോ ഔഷധമൂല്യമോ ഇല്ലെങ്കിലും പാചക ആവശ്യങ്ങൾക്കായി ധാരാളം പേർ പാമോയിലിനെ ആശ്രയിക്കുന്നു. പൊതുവേ വിലക്കുറവാണെങ്കിലും അമിതമായ ലാഭക്കൊതി ഇവിടേയും മായം ചേർക്കലിനു കാരണമാകുന്നു