ഭക്ഷ്യവസ്തുക്കളിലെ മായം: പൊതുവായ വിവരങ്ങൾ

സംസ്ഥാന വ്യാപകമായി പരിശോധന തുടരുന്നു. വൃത്തിഹീനമായി പ്രവർത്തിച്ചത് 28 കടകൾ

പഞ്ചസാര പൂർണ്ണമായും വെള്ളത്തിൽ അലിഞ്ഞുചേരുന്നതാണ്. എന്നാൽ പഞ്ചസാരയിൽ മായമായി ചേർക്കുന്ന പലതും അങ്ങനെയല്ല. ഒരു ചില്ലുഗ്ലാസ്സിൽ അല്പം പഞ്ചസാരയെടുത്ത് വെള്ളത്തിൽ കലക്കിയാൽ മണലോ കല്ലോ ചോക്കുപൊടിയോ പോലുള്ള മായങ്ങൾ താഴത്ത് അടിഞ്ഞുകൂടും. സ്വാഭാവികമായും കുഴപ്പക്കാരനായ പഞ്ചസാരയുടെ ദൂഷ്യവശങ്ങൾ ഇരട്ടിപ്പിക്കുകയാണ് ഇത്തരം മായങ്ങൾ ചെയ്യുന്നത്. 

നാം ദിവസവും കഴിക്കുന്ന വസ്തുക്കളിൽ ഗുണത്തേക്കാൾ ദോഷമുണ്ടാക്കുന്നതാണ് വെളുത്ത പഞ്ചസാര എന്നാണ് ആരോഗ്യരംഗത്തെ വിദഗ്ധരുടെ അഭിപ്രായം. കോശങ്ങൾ നശിക്കാനും രോഗപ്രതിരോധശേഷി കുറയാനും രക്തത്തിൽ കൊഴുപ്പും മറ്റും അടിഞ്ഞു കൂടാനും ഹൃദ്രോഗം, പ്രമേഹം, ഓർമ്മക്കുറവ് തുടങ്ങിയ രോഗങ്ങൾ വരാനും പഞ്ചസാരയുടെ അമിതോപയോഗം കാരണമാകും. 

തേനിൻ്റെ അളവുകൂട്ടാൻ പഞ്ചസാരയുടേയോ ശർക്കരയുടേയോ ലായനി ചേർക്കുന്നതുമുതൽ തുടങ്ങുന്നു മായം ചേർക്കൽ. പെട്രോളിയം ഉത്പന്നങ്ങളിൽ നിന്നുള്ളതടക്കമുള്ള രാസമാലിന്യങ്ങൾ കൊണ്ട് പൂർണ്ണമായും കൃത്രിമമായി ഉണ്ടാക്കുന്ന തേൻ വരെ വിപണിയിലുണ്ട്

സ്വാഭാവികമായി കാട്ടിൽ നിന്നും മറ്റും ശേഖരിക്കുന്ന തേൻ വനം വകുപ്പിൻ്റേയും ആദിവാസി ക്ഷേമ വകുപ്പിൻ്റെയുമൊക്കെ ഷോപ്പുകളിൽ നിന്നും ലഭ്യമാണെങ്കിലും കൃത്രിമമായി തേനീച്ചകൂടുകൾ ഉണ്ടാക്കി അതിൽ തേനീച്ചകളെ വളർത്തി കൃഷിചെയ്തെടുക്കുന്ന തേനാണ് ഇന്ന് വിപണിയിൽ നല്ല തേനെന്ന നിലയിൽ അധികവും കിട്ടുന്നത്. 

മഞ്ഞൾപ്പൊടി, മല്ലിപ്പൊടി, മുളകുപൊടി എന്നീ പൊടികളിൽ ചേർക്കുന്ന എല്ലാ മായങ്ങളും ചിക്കൻ മസാലയിൽ കാണാം. നിറമോ മണമോ രൂപഭാവങ്ങളോ വച്ച് കണ്ടെത്താൻ കൂടുതൽ പ്രയാസമാണെന്നതാണ് ഈ വ്യാപകമായ മായം ചേർക്കലിനു കാരണം 

ഗരം മസാലക്കൂട്ടായ ജീരകം, ഏലക്ക, ഗ്രാമ്പൂ, കറുകപ്പട്ട, തക്കോലം, ജാതിപത്രി, ജാതിക്ക എന്നിവയോടൊപ്പം കുരുമുളകും ഉണക്കമുളകുമൊക്കെ ചേർത്തുണ്ടാക്കുന്ന പ്രത്യേകം കൂട്ടാണ് ചിക്കൻ മസാല.  യഥാർത്ഥത്തിൽ രുചിക്കൂട്ടു മാത്രമല്ല മരുന്നുകൂട്ടുകൂടിയാണ് ഈ പൊടിക്കൂട്ട്.

അരിയുടെ തൂക്കം കൂട്ടാൻ കല്ലും മണലും മറ്റും ചേർക്കുമ്പോൾ കുത്തരിയുടെ നിറം ലഭിക്കാൻ റെഡ് ഓക്സൈഡ് പോലുള്ള രാസ നിറങ്ങളാണ് കലർത്തുന്നത് 

ചീഞ്ഞതും പുഴുക്കുത്തേറ്റതുമായ അരി ഉണ്ടാക്കുന്ന ഭക്ഷ്യവിഷബാധയാണ് മായം ചേർക്കലിൻ്റെ അടുത്ത പ്രശ്നം. കല്ലും മണലുമൊക്കെ വയറിൽ ചെന്നുണ്ടാക്കുന്ന വൈഷമ്യങ്ങൾ വേറെ. അതിലൊക്കെ ഉപരിയാണ് നിറം കൂട്ടാനായി ചേർക്കുന്ന രാസവിഷങ്ങൾ ഉണ്ടാക്കുന്ന മാരക രോഗങ്ങൾ. 

പാക്കറ്റിലെ ഉള്ളടക്കവും ഗുണമേന്മാമുദ്രകളും ശ്രദ്ധിക്കുകയാണ് അച്ചാറുകളുടെ ഗുണമേന്മ ഉറപ്പാക്കാൻ ചെയ്യാവുന്ന ഒരു കാര്യം. ഭക്ഷ്യയോഗ്യമല്ലാത്ത എണ്ണകൾ, കെമിക്കലുകൾ എന്നിവ ചേർത്തിട്ടുണ്ട് എന്ന് കണ്ടാൽ ആ അച്ചാറുകൾ വാങ്ങരുത്