Malayalam News Live: തെരുവുനായ ആക്രമണത്തിൽ നിന്ന് പെണ്‍കുട്ടിയെ രക്ഷിക്കാൻ ശ്രമിച്ച നിര്‍മാണ തൊഴിലാളിയെ അഭിനന്ദിച്ച് ജസ്റ്റിസ് ദേവൻ രാമചന്ദ്രൻ

തിരൂർ ചമ്രവട്ടം ആനൊഴുക്കുപാലത്തെ നിർമാണ തൊഴിലാളിയായ സുരേഷിനാണ് അഭിനന്ദനം അറിയിച്ചുകൊണ്ട് ജസ്റ്റിസ് ദേവൻ രാമചന്ദ്രൻ കത്തയച്ചത്. പെണ്‍കുട്ടിയെ രക്ഷിക്കുന്നതിനിടെ സുരേഷിനെ തെരുവുനായ ആക്രമിക്കുകയായിരുന്നു.

മലപ്പുറം കരിപ്പൂരിൽ 40 ഗ്രാം എംഡിഎംഎ പിടികൂടി. കരിപ്പൂര്‍ സ്വദേശി മുഹമ്മദ് കബീറിന്‍റെ വീട്ടുവളപ്പിലെ ഔട്ട് ഹൗസിൽ നിന്നാണ് എംഡിഎംഎ വേട്ട. ഔട്ട് ഹൗസിനോട് ചേര്‍ന്നുള്ള മുറിയിൽ നേരത്തെ കരിപ്പൂര്‍ എസ്എച്ച് ഒ താമസിച്ചിരുന്നു.

ശബരിമല സ്വർണക്കൊള്ള കേസിൽ കടകംപ്പളളി സുരേന്ദ്രന് ബന്ധമുളളതായി പറഞ്ഞിട്ടില്ലെന്ന് വിഡി.സതീശൻ. മുൻനിലപാട് തിരുത്തിയാണ് സതീശന്‍റെ അഭിഭാഷകന്‍റെ പുതിയ വാദം.

ആറ്റിങ്ങൽ കടയ്ക്കാവൂര്‍ ഗ്രാമപഞ്ചായത്തിലെ മേലാറ്റിങ്ങൽ ഉദിയറ കുളിക്കടവിൽ കുളിക്കാനിറങ്ങിയ രണ്ട് വിദ്യാര്‍ത്ഥികള്‍ മുങ്ങി മരിച്ചു.കല്ലൂര്‍ക്കോണം ഗവ. ഹൈസ്കൂളിലെ പത്താം ക്ലാസ് വിദ്യാര്‍ത്ഥികളായ നിഖിൽ, ഗോകുൽ എന്നിവരാണ് മരിച്ചത്.

പുതിയ ബാർക്ക് റേറ്റിംഗിൽ 99 പോയിന്റുമായി ഏഷ്യാനെറ്റ് ന്യൂസ് ഒന്നാം സ്ഥാനം നിലനിർത്തി. പ്രേക്ഷകരുടെ ഏറ്റവും വിശ്വസ്ത വാർത്താ ചാനൽ ഏതെന്ന ചോദ്യത്തിന് ഏഷ്യാനെറ്റ് ന്യൂസ് എന്ന ഉത്തരം അരക്കിട്ടുറപ്പിക്കുന്നതാണ് ഈ ആഴ്ചയിലെയും കുതിപ്പ്

കിളിമാനൂരിൽ വാഹനാപകടത്തിൽ ദമ്പതികള്‍ മരിച്ച സംഭവത്തിൽ മൂന്നു പൊലീസ് ഉദ്യോഗസ്ഥര്‍ക്ക് സസ്പെന്‍ഷൻ. കിളിമാനൂര്‍ എസ്എച്ച്ഒ ഡി ജയൻ, എസ്ഐമാരായ അരുണ്‍, ഷജീം എന്നിവരെയാണ് അന്വേഷണ വിധേയമായി സസ്പെന്‍ഡ് ചെയ്തത്.

തിരുവനന്തപുരം മേയർ വി വി രാജേഷ് നൽകിയ പരാതിയെ തുടർന്ന് തലസ്ഥാനത്തെ ഇലക്ട്രിക് ബസ് സർവീസുകൾ റീ ഷെഡ്യൂൾ ചെയ്യുമെന്ന് ഗതാഗത മന്ത്രി കെ ബി ഗണേഷ് കുമാർ അറിയിച്ചു. മേയറുടെ വാർഡിലടക്കം സർവീസ് ലഭ്യമല്ലാത്ത പ്രദേശങ്ങളിലെ യാത്രാക്ലേശം പരിഹരിക്കാനാണ് നടപടി

2016 ൽ ഡിവൈഎസ്പിയെ ഫേസ്ബുക്ക് പോസ്റ്റിലൂടെ ഭീഷണിപ്പെടുത്തിയെന്ന കേസിൽ ബിജെപി നേതാവ് കെ സുരേന്ദ്രനെ കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി കുറ്റവിമുക്തനാക്കി

സിപിഎം മന്ത്രിമാരുടെ പ്രസ്താവനകൾ പാർട്ടി തലപ്പത്ത് മോദിയാണോ എന്ന് തോന്നിപ്പിക്കുന്നുവെന്ന് ഷാഫി പറമ്പിൽ. സഖാവിനെയും സംഘിയെയും തിരിച്ചറിയാൻ പറ്റാത്ത വിധം സിപിഎം 'സംഘാവ്' ആയി മാറിയെന്നും ഷാഫി വിമർശിച്ചു

ഗതാഗത മന്ത്രി കെ ബി ഗണേഷ് കുമാറിന്‍റെ ആരോപണങ്ങൾക്ക് മറുപടിയുമായി ചാണ്ടി ഉമ്മൻ രംഗത്ത്. തന്‍റെ കുടുംബം തകർത്തത് ഉമ്മൻ ചാണ്ടിയാണെന്ന ഗണേഷിന്‍റെ ആരോപണത്തിന്, മനസാക്ഷിയുണ്ടെങ്കിൽ ഗണേഷ് സ്വയം ചോദിക്കട്ടെ എന്ന് ചാണ്ടി ഉമ്മൻ പ്രതികരിച്ചു

കിളിമാനൂരിൽ വാഹനാപകടത്തിൽ ദമ്പതികൾ മരിച്ച സംഭവത്തിൽ മുഖ്യപ്രതിയായ വിഷ്ണുവിന്‍റെ സുഹൃത്ത് അറസ്റ്റിൽ. വിഷ്ണുവിനെ രക്ഷപ്പെടാൻ അടക്കം സഹായിച്ച ആദർശ് (29) ആണ് പിടിയിലായത്. കിളിമാനൂര്‍ പൊലീസ് പ്രതിയെ കസ്റ്റഡിയിലെടുത്ത് അറസ്റ്റ് രേഖപ്പെടുത്തി.

നടിയെ ആക്രമിച്ച കേസിലെ കോടതിയലക്ഷ്യ ഹർജികൾ പരിഗണിക്കാൻ വിചാരണക്കോടതിക്ക് അധികാരമില്ലെന്ന് പ്രോസിക്യൂഷൻ നിലപാടെടുത്തു. ദിലീപ് നൽകിയ ഹർജികൾ പരിഗണിക്കവെയാണ് പ്രോസിക്യൂഷൻ നിലപാട് അറിയിച്ചത്. എല്ലാ ഹർജികളും അടുത്ത മാസം 12 ന് വീണ്ടും പരിഗണിക്കും

സാബു എം ജേക്കബ്ബിന്‍റെ ട്വന്‍റി 20 പാര്‍ട്ടി എൻഡിയിൽ ചേര്‍ന്നത് സ്വാഭാവിക പരിണാമം ആണെന്ന് മുതിര്‍ന്ന കോണ്‍ഗ്രസ് നേതാവ് മുല്ലപ്പള്ളി രാമചന്ദ്രൻ. അവര്‍ വ്യാപാര സ്ഥാപനമാണെന്നും അവര്‍ക്ക് അത് മാത്രമാണ് മാര്‍ഗമെന്നും മുല്ലപ്പള്ളി രാമചന്ദ്രൻ

എം എ ബേബിയുടെ കാലഹരണപ്പെട്ട സൈദ്ധാന്തിക പിടിവാശികളോട് വിയോജിപ്പുണ്ടെങ്കിലും വ്യക്തിപരമായ ചില ശീലങ്ങൾ മാതൃകാപരമാണെന്ന് ചെറിയാൻ ഫിലിപ്പ്.

നിർമാണം ഇ ശ്രീധരന്റെ നേതൃത്വത്തിലായിരിക്കുമെന്ന സൂചനയും പുറത്തുവരുന്നുണ്ട്. നാളെ പ്രഖ്യാപനം നടത്താനാണ് സാധ്യത.

ഇന്നലെ രാത്രിയാണ് പയ്യന്നൂർ പൊലീസിൽ ഇമെയിൽ മുഖേന പരാതി ലഭിച്ചത്. പരാതിയിൽ പ്രാഥമിക അന്വേഷണം ആരംഭിച്ചതായി പൊലീസ് അറിയിച്ചു.

ഉമ്മൻചാണ്ടി തന്നെ ചതിക്കുകയും കുടുംബം തകർക്കുകയും ചെയ്തുവെന്ന് മന്ത്രി കെ ബി ഗണേഷ് കുമാർ. മന്ത്രിസ്ഥാനം നൽകാമെന്ന് പറഞ്ഞ് പറ്റിച്ചെന്നും, മകൻ ചാണ്ടി ഉമ്മൻ കള്ളസാക്ഷി പറയരുതെന്നും ഗണേഷ് കുമാർ മുന്നറിയിപ്പ് നൽകി

ചിക്കിങ്ങുമായി കൈകോര്‍ത്ത് കെഎസ്ആര്‍ടിസി. ക്യുആർ കോഡ് സ്കാൻ ചെയ്ത് ഓർഡർ ചെയ്താല്‍ ബസ്സിനുള്ളിൽ ഭക്ഷണം വിതരണം ചെയ്യും.

ഇത് കോടതിയലക്ഷ്യമാണെന്ന് കാണിച്ച് അഭിഭാഷകർ നൽകിയ ഹർജിയിലാണ് എറണാകുളം ജുഡീഷ്യൽ മജിസ്ട്രേറ്റ് കോടതി പൊലീസിനോട് എഫ്ഐആറിട്ട് കേസെടുക്കാൻ നിർദേശം നൽകിയത്.

തിരുവനന്തപുരം കമലേശ്വരത്ത് അമ്മയും മകളും ജീവനൊടുക്കിയ സംഭവത്തിൽ യുവതിയുടെ ഭര്‍ത്താവ് പിടിയിൽ. ആത്മഹത്യ ചെയ്ത ഗ്രീമയുടെ ഭര്‍ത്താവ് ഉണ്ണികൃഷ്ണനെയാണ് പൊലീസ് മുബൈയിൽ വെച്ച് പിടികൂടിയത്