കുണ്ടറയിൽ തുടർച്ചയായ രണ്ടാം വിജയം ലക്ഷ്യമിട്ട് പി. സി. വിഷ്ണുനാഥ്

കുണ്ടറ നിയോജക മണ്ഡലത്തിൽ രണ്ടാം തവണ മത്സരിക്കുകയാണ് കോൺഗ്രസ് സ്ഥാനാർത്ഥി പി. സി. വിഷ്ണുനാഥ്. വിജയിച്ചാൽ, 1977-ന് ശേഷം കുണ്ടറയിൽ തുടർച്ചയായ രണ്ടു ടേമുകൾ കൈവരിക്കുക എന്ന റെക്കോർഡാണ് വിഷ്ണുനാഥിനെ കാത്തിരിക്കുന്നത്. സി.പി.എമ്മിന്റെ എസ്. എൽ. സജികുമാർ, ബി.ജെ.പിയുടെ ഡോ. റോബിൻ രാധാകൃഷ്ണൻ എന്നിവരാണ് എതിരാളികൾ. 2006 മുതൽ 2016വരെ ഇടതുപക്ഷത്തിന്റെ നിയന്ത്രണത്തിലായിരുന്ന മണ്ഡലത്തിൽ, കഴിഞ്ഞ അഞ്ച് വർഷംകൊണ്ട് നടപ്പിലാക്കിയ വികസന പ്രവർത്തനങ്ങൾ കോൺഗ്രസിന് വോട്ടായി മാറുമെന്നാണ് വിഷ്ണുനാഥ് പ്രതീക്ഷിക്കുന്നത്.