"ഇത്തവണ കളമശേരി വലത്തേക്ക്." - ആത്മവിശ്വാസത്തോടെ യു.ഡി.എഫ്

കളമശേരി നിയോജകമണ്ഡലത്തിൽ യു.ഡി.എഫ് സ്ഥാനാർത്ഥി വി.ഇ അബ്ദുൾ ഗഫൂർ വിജയിക്കും എന്നതിൽ മണ്ഡലത്തിലെ യു.‍ഡി.എഫ് നേതൃത്വത്തിന് സംശയങ്ങളില്ല. രണ്ടു തവണ വി.കെ ഇബ്രാഹിംകുഞ്ഞ് വിജയിച്ച മണ്ഡലം, പാലാരിവട്ടം പാലം അഴിമതി ആരോപണങ്ങൾ നിഴലിച്ച കഴിഞ്ഞ നിയമസഭാ തെരഞ്ഞെടുപ്പിലാണ് യു.ഡി.എഫ് കൈവിട്ടത്. പക്ഷേ, ഇത്തവണ സാഹചര്യങ്ങൾ അനുകൂലമാണ് -- സ്ഥാനാർത്ഥി നിർണയം തടസ്സങ്ങളില്ലാതെ നടന്നു, പാലാരിവട്ടം അഴിമതി ആരോപണങ്ങളിൽ എതിർപാർട്ടികൾക്ക് ഒന്നും പറയാനില്ല, ഒപ്പം സ്വാഭാവിക ഭരണവിരുദ്ധവികാരവും... കാര്യങ്ങൾ തങ്ങൾക്ക് അനുകൂലമാകുമെന്നാണ് യു.ഡി.എഫ് കണക്കുകൂട്ടൽ.