ഇ-പോൾ: ഓൺലൈൻ അഭിപ്രായ സർവേകളും ഫലങ്ങളും

പൗരത്വ നിയമഭേദഗതിക്കെതിരെ കേരളത്തിലെ മഹല്ല് കമ്മിറ്റികളെല്ലാം നല്ല ഇടപെടലാണ് നടത്തിയിട്ടുള്ളതെന്ന് നിയമസഭയില്‍ മുഖ്യമന്ത്രി പിണറായി വിജയന്‍. ഒപ്പം ഇതുകൂടി അദ്ദേഹം പറഞ്ഞു. ചിലയിടത്തെ പ്രതിഷേധത്തില്‍ തീവ്രവാദപരമായി ചിന്തിക്കുന്ന എസ്ഡിപിഐ എന്ന സംഘടന നുഴഞ്ഞുകയറി പ്രശ്നങ്ങളുണ്ടാക്കിയിട്ടുണ്ട്. മുഖ്യമന്ത്രിയുടെ പ്രസ്താവനയെ സോഷ്യല്‍ മീഡിയ പിന്തുണയ്ക്കുന്നോ? ഏഷ്യാനെറ്റ് ന്യൂസ് അഭിപ്രായ സര്‍വേ ഫലം.  

നിയമസഭ പാസാക്കിയ പ്രമേയത്തെ വിമര്‍ശിച്ച ഗവര്‍ണ്ണറെ രാഷ്ട്രപതി തിരിച്ചുവിളിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. പ്രമേയത്തിനുള്ള നീക്കത്തെ അനുകൂലിക്കാതെ സംസ്ഥാന സര്‍ക്കാര്‍. ചെന്നിത്തലയുടെ നീക്കത്തെ സോഷ്യല്‍ മീഡിയ എങ്ങനെ കാണുന്നു? ഫേസ്ബുക്ക് പോള്‍ ഫലം.  

പൗരത്വ നിയമഭേദഗതിക്കെതിരെ സുപ്രീംകോടതിയെ സമീപിച്ച കേരള സര്‍ക്കാറിനോട് വിശദീകരണം തേടി ഗവര്‍ണ്ണര്‍ ആരിഫ് മുഹമ്മദ് ഖാന്‍. ഗവര്‍ണ്ണറുടെ പ്രതികരണങ്ങളും പിന്നീടുള്ള നടപടിയും സര്‍ക്കാറിന്റെ മേലുള്ള അധികാര പ്രയോഗമോ? സോഷ്യല്‍ മീഡിയ കരുതുന്നതെന്ത്? ഫേസ്ബുക്ക് പോള്‍ ഫലം.

പ്രധാന ആറു പാര്‍ട്ടികള്‍ പിന്മാറിയതോടെ പൗരത്വ നിയമഭേദഗതിക്കെതിരെ സംയുക്ത പ്രക്ഷോഭത്തിനുള്ള കോണ്‍ഗ്രസിന്റെ നീക്കമാണ് പാളിയത്. ഒന്നിച്ചു യോഗം ചേരാന്‍ പോലുമാകാത്തത് ആര്‍ക്ക് രാഷ്ട്രീയഗുണമായി മാറും? അറിയാം ഏഷ്യാനെറ്റ് ന്യൂസ് ഫേസ്ബുക്ക് പോള്‍ ഫലം.  

പൗരത്വ നിയമ ഭേദഗതി രാജ്യത്തെ ഏറ്റവും വലിയ രാഷ്ട്രീയ സംവാദ വിഷയമായി മാറുകയും സര്‍വമേഖലകളില്‍ നിന്നും പ്രതിഷേധമുയരുകയും ചെയ്യുമ്പോഴാണ് പ്രതിരോധ മാര്‍ഗങ്ങളുമായി ബിജെപി രംഗത്തെത്തുന്നത്. നിയമത്തിന്റെ യഥാര്‍ത്ഥ വസ്തുതകള്‍ ജനങ്ങളിലെത്തിക്കാന്‍ ഗൃഹസന്ദര്‍ശനം, മിസ്‌കോള്‍ അടിച്ച് പിന്തുണയറിയിക്കല്‍, മോദിക്ക് കത്തയക്കല്‍ എന്നിങ്ങനെയാണ് പരിപാടികള്‍. രാജ്യമാകെ തുടരുന്ന പ്രതിഷേധം ഇല്ലാതാക്കാന്‍ ഇത് മതിയാകുമോ? ഏഷ്യാനെറ്റ് ന്യൂസ് ഫേസ്ബുക്ക് പോള്‍ ഫലം.  

പൗരത്വ ഭേദഗതിക്കെതിരെ മംഗളൂരുവിലുണ്ടായ അക്രമത്തിന്റെ പശ്ചാത്തലത്തില്‍ പോപ്പുലര്‍ ഫ്രണ്ടിനെയും എസ്ഡിപിഐയെയും നിരോധിക്കാനൊരുങ്ങി കര്‍ണ്ണാടക സര്‍ക്കാര്‍. ഈ തീരുമാനത്തോട് സോഷ്യല്‍ മീഡിയ യോജിക്കുന്നുണ്ടോ? ഏഷ്യാനെറ്റ് ന്യൂസ് ഫേസ്ബുക്ക് പോള്‍ ഫലം.  

കേന്ദ്രത്തില്‍ തുടര്‍ച്ചയായി അധികാരത്തിലെത്തിയ 2019ല്‍ ബിജെപിയെ കൈവിടുന്ന അഞ്ചാമത്തെ സംസ്ഥാനമാണ് ഝാര്‍ഖണ്ഡ്. ഹിന്ദിഭൂമിയില്‍ കോണ്‍ഗ്രസും ബിജെപി വിരുദ്ധചേരിയും കൂടുതല്‍ ശക്തരാകുകയും ചെയ്തു. ഗോത്ര വികാരമടക്കം പ്രാദേശിക രാഷ്ട്രീയ വിഷയങ്ങളാണ് പരാജയത്തിലെത്തിച്ചതെന്ന് ബിജെപി പറയുമ്പോഴും കേന്ദ്രസര്‍ക്കാറിന്റെ നയങ്ങള്‍ക്ക് ഇതില്‍ പങ്കുണ്ടോ? അഭിപ്രായ സര്‍വേഫലമറിയാം.  

ദേശീയ പൗരത്വ നിയമഭേദഗതി രൂക്ഷമായ ആശയ സംവാദമാണ് സോഷ്യല്‍ മീഡിയയില്‍ സൃഷ്ടിക്കുന്നത്. നാം ആരുടെ പക്ഷത്താണ് നില്‍ക്കുന്നത് എന്ന് വിളിച്ചുപറയേണ്ട സമയമാണെന്ന് പലരും ഓര്‍മ്മിപ്പിക്കുകയും ചെയ്യുന്നു. ഇക്കാര്യത്തില്‍ ഫേസ്ബുക്കിലെ ഭൂരിപക്ഷത്തിന്റെ നിലപാടെന്താണ്? ഏഷ്യാനെറ്റ് ന്യൂസ് അഭിപ്രായ സര്‍വേയുടെ ഫലമറിയാം.  

ഹൈദരാബാദില്‍ യുവഡോക്ടറെ തട്ടിക്കൊണ്ടുപോയി കൂട്ടബലാത്സംഗം ചെയ്ത് കത്തിച്ച പ്രതികളെ വെടിവച്ചു കൊന്ന പൊലീസ് നടപടിയില്‍ ഇരുപക്ഷത്താണ് സോഷ്യല്‍ മീഡിയ. പൊലീസ് നിയമം കയ്യിലെടുത്തോ? അതോ നീതി നടപ്പായോ? അറിയാം ഏഷ്യാനെറ്റ് ന്യൂസ് ഫേസ്ബുക്ക് പോള്‍ ഫലം.

2017 ഡിസംബറില്‍ രാജ്യത്തിന്റെ 71 ശതമാനം പ്രദേശവും ഭരിച്ചിരുന്നത് ബിജെപിയായിരുന്നെങ്കില്‍ ഇപ്പോഴത് 40 ശതമാനമായി മാറിയിരിക്കുന്നു. രാജ്യം ഭരിക്കുന്ന പാര്‍ട്ടിയുടെ സ്വാധീനം സംസ്ഥാനങ്ങളില്‍ കുറയുകയാണോ എന്ന വിഷയത്തില്‍ സോഷ്യല്‍ മീഡിയയുടെ നിലപാടിതാണ്. ഏഷ്യാനെറ്റ് ന്യൂസ് ഫേസ്ബുക്ക് പോള്‍ ഫലം.