Malayalam News Live: 'ഒരു കാരണവശാലും അവധിയില്ല', ചമ്പക്കുളം മൂലം വള്ളംകളി ഇന്ന്, കേരളത്തിലെ ജലോത്സവ സീസണ് തുടക്കമാകും; പ്രാദേശിക അവധിയില്ലാത്തതിൽ പ്രതിഷേധം

കേരളത്തിലെ ജലോത്സവ സീസണ് തുടക്കം കുറിച്ചുകൊണ്ട് ചമ്പക്കുളം മൂലം വള്ളംകളി ഇന്ന് പമ്പയാറ്റിൽ നടക്കും. രാജപ്രമുഖൻ ട്രോഫിക്കായി ഏഴ് ചുണ്ടൻ വള്ളങ്ങൾ ഉൾപ്പെടെ നിരവധി വള്ളങ്ങൾ മത്സരത്തിൽ പങ്കെടുക്കും. പ്രാദേശിക അവധി അനുവദിക്കാത്തതിലെ പ്രതിഷേധം ശക്തമാണ്

പശ്ചിമേഷ്യയെ യുദ്ധഭീതിയിലാഴ്ത്തിയ അമേരിക്ക-ഇറാൻ സംഘർഷം അവസാനിക്കുന്നതായി സൂചന. നേരിട്ടുള്ള ഏറ്റുമുട്ടലുകൾ ഒഴിവാക്കാൻ ഇരുപക്ഷവും ധാരണയിലെത്തിയതായും, സംഘർഷം ലഘൂകരിക്കാൻ ഖത്തറിലെ ദോഹയിൽ സമാധാന ചർച്ചകൾ നടന്നേക്കുമെന്നും റിപ്പോർട്ടുകളുണ്ട്

ഇ ഡി ഉദ്യോഗസ്ഥരെ ആക്രമിച്ച കേസിൽ പ്രതിക്ക് അനുകൂല നിലപാടെടുത്തെന്ന പേരിൽ പ്രോസിക്യൂട്ടർ സ്ഥാനത്ത് നിന്നും മാറ്റിയതിൽ പ്രതികരിച്ച് ഗീനാകുമാരി. താൻ പൊലീസ് റിപ്പോർട്ട് അനുസരിച്ചാണ് വാദിച്ചതെന്നും ഒരു വീഴ്ചയും വരുത്തിയിട്ടില്ലെന്നും അവർ ഫേസ്ബുക്കിൽ കുറിച്ചു. ഇത് സർക്കാരിന്റെ പ്രതികാര നടപടിയായി കരുതുന്നില്ലെന്നും അവർ വ്യക്തമാക്കി