ശ്രുതി കാത്തിരുന്ന മലേഷ്യൻ ഇളയച്ഛൻ എത്തി

ഇളയച്ഛൻ വരുന്നത് പ്രമാണിച്ച് ചന്ദ്ര ഓരോ കാര്യങ്ങളും ഓടി നടന്ന് ഓക്കേ അല്ലെ എന്ന് ഉറപ്പുവരുത്തുകയാണ്. കസേരകൾ മാറ്റി വെക്കാൻ പറയുന്നു, കോലം വരച്ചിടത്ത് വെൽക്കം എന്ന് എഴുതാൻ പറയുന്നു, അദ്ദേഹത്തിന് ഇഷ്ട്ടപ്പെട്ട എല്ലാ പലഹാരങ്ങളും ഉണ്ടാക്കി വെക്കാൻ പറയുന്നു, കുടിക്കാൻ കൊടുക്കാൻ ഇളനീർ ഇട്ട് കൊണ്ടുവരാൻ പറയുന്നു ...അങ്ങനെ ഓടടാ ഓട്ടം തന്നെ. ചന്ദ്രയുടെ ഓട്ടം കണ്ട് ശെരിക്കും പ്രേക്ഷകർ കുടുകുടാ ചിരിക്കും. എന്നാലോ അവിടെ രവിയും, അച്ഛമ്മയും, സച്ചിയും, രേവതിയുമൊക്കെ ആകെ അന്ധാളിപ്പിലുമാണ്. ഇതെന്തായിപ്പോ കഥ, എന്തിനാ ചന്ദ്ര ഇങ്ങനെ ഓടി നടക്കുന്നത് എന്നാണ് രവി അച്ഛമ്മയോട് ചോദിക്കുന്നത്. ആഹ് ...ഇപ്പൊ ഇതാണ് ഓട്ടത്തിന്റെ സ്പീഡ് എങ്കിൽ ഇനി അദ്ദേഹം വന്നിട്ടുള്ള കാര്യങ്ങൾ എങ്ങനെയാവും എന്നോർത്താണ് സച്ചിയുടെ ടെൻഷൻ. എന്തായാലും ചന്ദ്ര ഇളയച്ഛൻ വരുന്നതും ഓർത്ത് കണ്ണിൽ എണ്ണയൊഴിച്ച് ഇരിപ്പാണ്.