തിരഞ്ഞെടുപ്പ്: പ്രത്യേക റിപ്പോർട്ടുകളും ഫീച്ചറുകളും

പിസി തോമസിനെ സ്ഥാനാര്‍ത്ഥിയായി പ്രഖ്യാപിച്ചത് മുതല്‍ കേരള കോണ്‍ഗ്രസില്‍ വോട്ടുചോര്‍ച്ചയുണ്ടാകുമെന്നായിരുന്നു സൂചന. എന്നാല്‍ ആ കണക്കുകൂട്ടലുകളെയും തെറ്റിച്ചാണ് ഒരു ലക്ഷത്തിലേറെ ഭൂരിപക്ഷത്തിന് തോമസ് ചാഴികാടന്റെ ജയം. എല്‍ഡിഎഫ് സ്ഥാനാര്‍ത്ഥി വിഎന്‍ വാസവനൊപ്പം നിന്നത് വൈക്കം മാത്രമാണ്.   

ഒറ്റപ്പാലം ലോക്‌സഭാ മണ്ഡലമായിരുന്ന കാലത്തും പിന്നീട് പുനര്‍നിര്‍ണ്ണയത്തിലൂടെ ആലത്തൂരായപ്പോഴും ഇടതുപക്ഷത്തിനൊപ്പം ഉറച്ചുനിന്ന് ആലത്തൂരിലാണ് 160000ലധികം വോട്ടുകള്‍ക്ക് യുഡിഎഫിലെ രമ്യ ഹരിദാസ് ജയിച്ചത്. ആദ്യമേ പ്രചാരണം തുടങ്ങിയ പി കെ ബിജുവിനെ വിസിറ്റിംഗ് എംപിയെന്ന് പ്രചരിപ്പിച്ച്, രമ്യയെ മണ്ഡലത്തിന്റെ ഓരോ മുക്കിലും മൂലയിലുമെത്തിച്ച് പ്രചാരണം ശക്തമാക്കുകയായിരുന്നു യുഡിഎഫ്. അട്ടിമറി വിജയത്തിന്റെ കാരണങ്ങള്‍ ഇതൊക്കെയാണ്.

വലിയ പ്രതീക്ഷകള്‍ വച്ചുപുലര്‍ത്തിയ തലശ്ശേരിയിലും കൂത്തുപറമ്പിലും പോലും തിരിച്ചടി നേരിട്ട സിപിഎം ചരിത്രത്തിലെ വലിയ പരാജയങ്ങളിലൊന്നാണ്  വടകരയില്‍ നേരിട്ടത്. കൊലപാതക രാഷ്ട്രീയമെന്ന തന്ത്രം തലങ്ങും വിലങ്ങും പ്രയോഗിച്ചാണ് വൈകിയെത്തിയ കെ മുരളീധരനും ജയരാജനെതിരെ പയറ്റിയത്. സിപിഎം തോല്‍വി വിലയിരുത്തുമ്പോള്‍..

  വലിയ താല്‍പര്യമില്ലാതെയാണ് ചാലക്കുടിയില്‍ എല്‍ഡിഎഫ് സ്ഥാനാര്‍ത്ഥി ഇന്നസെന്റ് മത്സരത്തിനിറങ്ങിയത്. 1,32,000ലധികം വോട്ടുകള്‍ക്ക് ബെന്നി ബെഹനനോട് തോറ്റതിന്റെ കാരണങ്ങള്‍ വിലയിരുത്തുമ്പോള്‍..  

സ്ത്രീപ്രാതിനിധ്യം ഏറ്റവും കൂടുതലുള്ള ലോക്‌സഭയാണ് നിലവില്‍ വരാനിരിക്കുന്നത്. മുസ്ലീം എംപിമാരുടെ എണ്ണം കൂടിയപ്പോള്‍ ബിജെപിയില്‍ നിന്ന് ഒരാള്‍ പോലും അക്കൂട്ടത്തിലില്ല. പതിനേഴാം ലോക്‌സഭയുടെ ചില പൊതുവായ വിവരങ്ങള്‍ അറിയാം.  

തെരഞ്ഞെടുപ്പിലെ തിരിച്ചടി താല്‍ക്കാലികമാണെന്നും സ്ഥായിയാണെന്ന തെറ്റിദ്ധാരണ ആര്‍ക്കും വേണ്ടെന്നും മുഖ്യമന്ത്രി പിണറായി വിജയന്‍. വിധിയെ ശബരിമല ബാധിച്ചിരുന്നെങ്കില്‍ ബിജെപിക്ക് നേട്ടമുണ്ടാകുമായിരുന്നെന്നും സര്‍ക്കാറിന്റെ പിന്തുണയ്ക്ക് ഉലച്ചിലുണ്ടായിട്ടില്ലെന്നും അദ്ദേഹം മാധ്യമങ്ങളോട് പറഞ്ഞു.  

ശബരിമല വിഷയത്തിലെ എല്‍ഡിഎഫ് നിലപാട് തെറ്റിദ്ധരിക്കപ്പെട്ടെന്ന് മന്ത്രി ജെ മേഴ്‌സിക്കുട്ടിയമ്മ. ജനങ്ങള്‍ക്കിടയിലെ തെറ്റിദ്ധാരണ മാറ്റാന്‍ ശ്രമിക്കുമെന്നും സര്‍ക്കാര്‍ വിശ്വാസികള്‍ക്കൊപ്പമാണെന്നും മന്ത്രി പറഞ്ഞു.  

അഞ്ച് നിയമസഭാ മണ്ഡലത്തില്‍ മുന്നിലെത്തിയിട്ടും ആലപ്പുഴ കൈവിട്ടതിന്റെ ആഘാതത്തിലാണ് ജില്ലാ കോണ്‍ഗ്രസ് കമ്മിറ്റി. ചേര്‍ത്തലയില്‍ എ എം ആരിഫ് നേടിയ 17000 വോട്ടിന്റെ ഭൂരിപക്ഷമാണ് യുഡിഎഫിന്റെ ട്വന്റി 20 മോഹം തകര്‍ത്തത്.  

പുതിയ സര്‍ക്കാര്‍ രൂപീകരണത്തിന്റെ ഭാഗമായി ഇന്നലെ രാജി സമര്‍പ്പിച്ച നരേന്ദ്രമോദിയെ പാര്‍ലമെന്ററി പാര്‍ട്ടി നേതാവായി ഇന്ന് തെരഞ്ഞെടുക്കും. ഇന്ന് വൈകിട്ട് അഞ്ച് മണിക്ക് എന്‍ഡിഎയുടെ 352 എംപിമാരുടെയും രാജ്യസഭാ എംപിമാരുടെയും യോഗം ചേര്‍ന്നാണ് തെരഞ്ഞെടുക്കുന്നത്.  

18 മാസത്തെ ജയില്‍ വാസത്തിന് ശേഷം 2013 സെപ്തംബറില്‍ ജഗന്‍ എല്ലാ കേസിലും ജാമ്യം കിട്ടി പുറത്ത് എത്തി. അപ്പോഴേക്കും ആന്ധ്രയുടെ രാഷ്ട്രീയ ഭൂപടം മാറിയിരുന്നു.